Kryeministri Rama ka firmosur një ndryshim në Shërbimin Informativ të Shtetit.
Blend Çobani, inspektor i Përgjithshëm i Shërbimit Informativ të Shtetit, lirohet nga kjo detyrë dhe në vendin e tij emërohet Rafail Milo.
Pesë vite më parë Partia Demokratike akuzonte se Milo kishte qenë ish oficer i Sigurimit të Shtetit.
“Rafail Milo: ish oficer i Sigurimit të Shtetit. Nga inspektor, emërohet Drejtor i Departamentit të Administratës në SHISH. Ka në varësi Drejtorinë Juridike dhe atë Ekonomike” akuzonte Enkelejd Alibeaj në 2019.
VENDIMI I PLOTË
LIRIMIN DHE EMËRIMIN NË DETYRË TË INSPEKTORIT TË PËRGJITHSHËM TË SHËRBIMIT INFORMATIV TË SHTETIT
Në mbështetje të nenit 100 të Kushtetutës dhe të nenit 12, të ligjit nr.8391, datë 28.10.1998, “Për Shërbimin Informativ të Shtetit”, të ndryshuar, me propozimin e Kryeministrit, Këshilli i Ministrave
V E N D O S I:
- Blend Çobani, inspektor i Përgjithshëm i Shërbimit Informativ të Shtetit, lirohet nga kjo detyrë.
- Rafail Milo emërohet inspektor i Përgjithshëm i Shërbimit Informativ të Shtetit
