IOM ka publikuar shifrat e njerëzve që ikin nga Shqipëria. Vendi ynë është goditur nga emigracioni masiv. Akil Kraja nga selia blu tha se shpëtimi i Shqipërisë bëhet duke larguar Edi Ramën dhe qeverinë e tij.
“Alarmin e përsëritur të opozitës, mbështetur në shifra të Eurostat, e konfirmon edhe një organizatë tjetër ndërkombëtare. Shqipëria është një nga dy vendet më të goditura në Europë nga niveli i lartë i emigracionit në raport me popullsinë, sipas Organizatës Ndërkombëtare për Emigracionin dhe raportit global të saj për vitin 2024.
Simotra e Shqipërisë në këtë fatkeqësi kombëtare është ish-republika sovjetike e Moldavisë e cila referohet tradicionalisht në të gjitha buletinet ndërkombëtare si vendi më i varfër në Europë.
Organizata Ndërkombëtare për Emigracionin rendit si arsye normat e larta të varfërisë, diferencat e pagave midis Shqipërisë dhe vendeve të tjera të rajonit, korrupsionin dhe klientelizmin e konsiderueshëm që kanë ndikuar në vendimet e njerëzve për t’u larguar nga vendi.
“Rreth 40% e fuqisë punëtore të Shqipërisë vlerësohet të jetë duke punuar jashtë vendit, duke kontribuar në ikjen e trurit, duke ushtruar presion mbi industritë dhe ekonomitë vendase që vazhdimisht humbasin punëtorë si në sektorët me kualifikim të ulët, ashtu edhe në atë të lartë”, thuhet ne raportin e IOM.
IOM vë në dukje se mijëra të rinj shqiptarë kanë bërë udhëtime të vështira për të arritur në Britaninë e Madhe, ku shumë prej tyre rrezikojnë jetën duke kaluar Kanalin Anglez me varka të vogla ose me gomone.
Qeveri teknike dhe zgjedhjet e lira janë rruga si bëhet kjo” tha ai.
