Ministri i Mbrojtjes, Pirro Vëngu u pyet nga gazetarët pas mbledhjes së qeverisë për skandalin e mbetjeve në Durrës që opozita e akuzon se ndodhi në kohën që ishte në detyrë në krye të këtij institucioni. Ai tha se nuk mund të fliste për detyrat e mëparshme, ndërsa shtoi se përgjegjësia e enteve private nuk duhet t’i adresohet institucioneve publike.
“Për t’ju sqaruar. Nuk jam këtu në cilësinë e detyrave të më përparshme. Por si ministër i Mbrojtjes. Në asnjë mënyrë nuk duhet të lejojmë që çështje që kanë mospërgjegjësi nga entet private, t’i adresohen institucioneve publike si përgjegjësi të aluduara. Me kaq do të doja ta mbyllja, pasi zv/ kryeministrja e sqaroi përfundimisht”, tha ai.
Mbetjet e rrezikshme/ Balluku: Porti i Durrësit s’ka lidhje me transportin e tyre
