Holanda ka dhënë leje për Ukrainën të përdorë avionët luftarakë F-16 në territorin rus, të cilët ia ka dhuruar më parë. Komandanti i Forcave të Armatosura të Holandës, Onno Eichelsheim, ka konfirmuar se nuk ka kufizime në përdorimin e këtyre avionëve, për sa kohë që respektohen ligjet e luftës.
Holanda ka dhuruar gjithsej 24 avionë F-16 për Ukrainën dhe pilotët ukrainas janë trajnuar për t’i përdorur ata nga partnerët perëndimorë. Avionët F-16, të cilët mund të mbartin armë të ndryshme dhe raketa, janë konsideruar një forcë e rëndësishme për forcimin e kapaciteteve ajrore të Ukrainës.
Megjithatë, Eichelsheim nuk ka konfirmuar nëse Ukraina ka filluar tashmë përdorimin e këtyre avionëve në fushën e betejës.
