Banorët e fshatit Gjoricë e Poshtme në Bulqizë kanë ngritur shqetësime për dëmtimin e shtratit të zallit të Bulqizës nga aktivitetet e marrjes së inerteve. Ata kërkojnë ndalimin e veprimtarisë së firmës nënkontraktore që po ndërton lotin e tretë të rrugës së Arbrit, për të mbrojtur tokat bujqësore në këtë zonë.
Xhevat Myftari, një nga të prekurit, thotë se firma ka leje nga Bashkia Bulqizë dhe Ministria e Infrastrukturës dhe Energjisë, por aktivitetet e saj po dëmtojnë tokat bujqësore dhe po devijojnë rrjedhën e zallit. Ai shprehet se policia është tërhequr dhe nuk ka ndaluar aktivitetin.
Nëse situata nuk përmirësohet, katër familjet e dëmtuara paralajmërojnë përshkallëzimin e veprimeve të tyre, duke përfshirë bllokimin e rrugës së Arbrit.
