Pas aksionit të Policisë së Kosovës në katër komunat veriore, që rezultoi në mbylljen e institucioneve paralele, Lista Serbe dhe Petar Petkoviç kanë reaguar ashpër.
Zlatan Elek, kreu i Listës Serbe, e cilësoi ndërhyrjen si një shenjë që Albin Kurti nuk i mbështet serbët dhe Asociacionin e Komunave Serbe në Kosovë.
Ndërsa Petar Petkoviç tha se aksioni do të ketë pasoja të gjera për normalizimin e marrëdhënieve ndërmjet Beogradit dhe Prishtinës.
“Kaosi që u krye sot nga Albin Kurti në të katër komunat në veri të Kosovës do të ketë pasoja të gjera për normalizimin e marrëdhënieve ndërmjet Beogradit dhe Prishtinës dhe është llogaritur me qëllim që të shkaktojë konflikt në veri të Kosovës dhe një përshkallëzim të ri të situatës”, ka thënë Petkoviç.
