Policia e Kosovës ka përfunduar operacionin në veri për ndërprerjen e aktiviteteve ilegale dhe mbylljen e pesë objekteve të komunave ilegale. Objektet e mbyllura janë: Komuna ilegale e Mitrovicës, Zveçanit, Zubin Potokut dhe Leposaviqit.
Gjatë operacionit janë sekuestruar dokumentacione, pajisje teknologjike, dhe dëshmi të tjera relevante. Në një operacion të ndarë në Mitrovicë Veri, janë gjetur dhe sekuestruar një xhaketë ushtarake, një çantë krahu, disa fishekë, dy thika dhe mbështjellës të armës së gjuetisë.
Operacioni është realizuar në bashkëpunim me organet e drejtësisë dhe është përfunduar pa incidente të veçanta. Hetimet do të vazhdojnë nën autorizimin e prokurorisë kompetente.
