17-vjeçari që ekzekutoi prindërit dhe vëllain e tij në Paderno Dugnano, Itali, ka ofruar një dëshmi të detajuar përpara prokurorit të të miturve.
Ai rrëfeu se ndihej si një “trup i huaj” në familjen e tij dhe tha se kishte menduar se duke vrarë të gjithë do të çlirohej nga shqetësimet e brendshme.
Në një deklaratë të përlotur, ai pranoi se nuk kishte një arsye të qartë për krimin e kryer dhe se kishte ndjerë një ndjenjë të thellë izolimi dhe paaftësie për të shprehur veten.
Adoleshenti u rrëfye se aktin e ka bërë vetëm, “Nuk ka asnjë arsye të vërtetë pse vrava – do të kishte thënë ai sipas asaj që raporton Corriere della Sera. Mendova se duke i vrarë të gjithë do të çlirohesha nga ky shqetësim. Një minutë më vonë, kuptova se duke vepruar kështu do të nuk e liroj veten”.
“Asgjë e veçantë nuk ndodhi të shtunën mbrëma. Por unë e kisha menduar për një kohë, ishte diçka që e kisha menduar”, tha ai gjatë deklaratave të tij.
Adoleshenti tregoi se ishte ngritur gjatë natës për të marrë një “thikë mishi” dhe kishte filluar me vëllain e tij të vogël, pa ndonjë arsye të veçantë. Ai tha se gjithçka kishte menduar për një kohë të gjatë dhe ndjehej i shtypur nga ndjenja e tij e brendshme. Pas aktit, ai kuptoi se veprimi nuk e kishte çliruar nga shqetësimet që kishte pasur, “Nuk di si ta shpjegoj. Ndihem vetëm mes të tjerëve. Nuk kam dialoguar realisht me askënd, sikur askush nuk më kuptonte”.
Hetimet për këtë ngjarje tragjike vazhdojnë, dhe 17-vjeçari është dërguar në paraburgim ndërsa përpjekjet për të kuptuar motivet e tij dhe ndikimet që çuan në krimin e rëndë vazhdojnë.
