Në një ngjarje tronditëse, Ëngjëll Kol Ucaj, i dënuar për vrasjen e djalit të tij dhe nuses shtatzënë, është gjetur i vetvarur në qelinë e tij në Institucionin e Ekzekutimit të Vendimeve Penale në Peqin.
Ucaj, i lindur më 20 shkurt 1946 në Krujë dhe banues në Elbasan, kishte qenë i burgosur që nga 20 qershori 2023 për veprat penale të “Vrasjes në rrethana cilësuese” dhe “Armëmbajtje pa leje”.
Pas zbulimit të trupit të tij nga punonjësit e policisë, ai u transportua menjëherë në spitalin e Peqinit, por përpjekjet e mjekëve për ta shpëtuar rezultuan të pasuksesshme.
Autoritetet janë njoftuar për incidentin dhe janë duke hetuar rrethanat e ngjarjes.
