Makina e përdorur nga autorët e atentatit të dyfishtë në Don Bosko është gjetur e djegur në fshatin Çerek, pranë Rinasit. Brenda automjetit është gjetur një armë e gjatë, dyshohet kallashnikov.
Sipas Drejtorit të Policisë së Tiranës, Tonin Vocaj, autorët kanë qëlluar në drejtim të lokalit ku ndodheshin Kastriot Elezi dhe Ronaldo Metushi, pa dalë nga makina.
Elezi, 45 vjeç dhe Metushi, 22 vjeç, janë transportuar në spitalin e Traumës dhe janë në gjendje të qëndrueshme. Hetimet janë duke u fokusuar në Elezi, i cili ka pasur precedent penal në Itali për pjesëmarrje në grup kriminal.
