Drejtori i Policisë së Tiranës, Tonin Vocaj, tha se dyshohet për tre persona, përfshirë drejtuesin e automjetit, në atentatin e fundit në ‘Don Bosko’.
Ai njoftoi se autorët qëlluan nga makina dhe se po analizohet i gjithë materialin filmik për të sqaruar ngjarjen.
Gjithashtu raportoi se në automjetin e djegur pranë Kamzës është gjetur një armë zjarri dhe janë sekuestruar shtatë gëzhoja. Ai njoftoi gjithashtu se janë identifikuar targat e makinës dhe se numri i shasisë nuk përputhet me automjetin origjinal.
Hetimet vazhdojnë dhe po shqyrtohen pamjet nga kamerat e sigurisë, ndërsa dyshohet se autorët ishin të maskuar.
Vocaj shtoi se një nga të plagosurit ka precedent penal dhe se hetimet do të fokusohen në konfliktet e mundshme të viktimave.
