Ministrja e Shëndetësisë, Albana Koçiu, vizitoi sot Melisa Trendafilin në repartin e Shërbimit të Djegie-Plastikës në Qendrën Spitalore Universitare “Nënë Tereza”.
Melisa, 31-vjeçare nga Korça, është në gjendje jashtë rrezikut për jetën pas një tentativë të bashkëshortit të saj për t’a djegur me benzinë. Koçiu theksoi se, ndonëse gjendja e Melisës është stabilizuar, ajo do të vazhdojë të monitorohet nga stafi mjekësor.
Në postimin e saj në rrjetet sociale, Koçiu shprehu mbështetje të plotë për Melisën dhe dy fëmijët e saj, duke ritheksuar angazhimin e institucionit për ndihmën e tyre. Ajo gjithashtu falënderoi ekipin mjekësor të QSUNT-së për përkushtimin e tyre në trajtimin e rasteve të tilla.
