Pas fitores 2-1 ndaj Ukrainës në Ligën e Kombeve, Kristjan Asllani shprehu kënaqësi për suksesin dhe theksoi se Shqipëria mund të kishte performuar më mirë. Ai u shpreh, “Kishim shumë nevojë për një fitore dhe jemi të lumtur që e arritëm, megjithëse mund të bënim më shumë me topin.”
Në lidhje me incidentin me Rey Manaj, ku Manaj mori një gjuajtje të lirë në fund të ndeshjes, Asllani tha me humor, “U mërzita sepse goditja e dënimit më pëlqen shumë, por nuk ka problem. Jemi shumë shokë dhe u tallëm më pas.” Ai shtoi se në ndeshjen e ardhshme do të mundohet të gjuajë vetë në rast nevoje.
