Ilir Meta, president i Partisë së Lirisë, kritikoi ashpër mungesën e modernizimit të hekurudhës në Shqipëri.
Ai akuzoi projektet e “Rilindjes” për korrupsion dhe për prodhimin e një infrastrukture që është e papërshtatshme dhe e ngadaltë.
“Trenat në Shqipëri sot konkurrojnë për shpejtësi vetëm me biçikletat elektrike.
Jemi të fundit në Europë për shpejtësinë e tyre sepse projektet korruptive “rilindase” për gjoja modernizimin e hekurudhës shqiptare kanë prodhuar vetëm hekurudhën e “Gjarprit”, Tiranë-Rinas-Durrës.
Hekurudhat janë braktisur dhe thuajse janë jashtë funksionit sepse vëmendja e “Rilindjes” nuk ka qenë kurrë modernizimi i transportit por vetëm abuzimi i tmerrshëm me rrugët e florinjta, që shemben si në Korçë-Ersekë apo që ofrojnë bakshishe të majme 50 milion euro si tuneli i Llogarasë.”, shkruan Meta.
