Presidentja e Kosovës, Vjosa Osmani, ka shprehur shqetësime për ndikimin destabilizues të Rusisë në Serbi dhe rrezikun që kjo paraqet për Ballkanin Perëndimor.
Ajo theksoi se Serbia është kthyer në “bastionin më të fortë të Putinit në Evropë” dhe kërkoi që Kosova të forcojë kapacitetet e saj mbrojtëse duke bashkëpunuar ngushtë me aleatët perëndimorë për të parandaluar destabilizimin e rajonit.
“Serbia është bërë mbështetësi më i fuqishëm i Putinit në Evropë, ndërsa Kosova dhe vendet e tjera të rajonit mbeten viktima të akteve të saj agresive”, tha Presidentja Osmani.
Osmani theksoi rëndësinë e integrimit të Ballkanit Perëndimor në Bashkimin Evropian dhe NATO për të siguruar një të ardhme më të qartë për rajonin.
