Mediat britanike raportojnë se qeveria e Britanisë së Madhe ka miratuar përdorimin e raketave Storm Shadow nga Ukraina për të kryer sulme në thellësi të territorit rus.
Sipas gazetës The Guardian, ky vendim është marrë pas diskutimeve të fshehta dhe nuk është bërë publik. Presidenti ukrainas, Volodymyr Zelensky, kishte kërkuar heqjen e kufizimeve për armët me rreze të gjatë, ndërsa presidenti amerikan Joe Biden dhe sekretari i Shtetit Antony Blinken po punojnë për të mundësuar më shumë ndihmë për Ukrainën.
Rusia ka vazhduar sulmet ndaj infrastrukturës energjetike të Ukrainës, ndërsa Ukraina ka kundërshtuar me sulme brenda territorit rus.
