Ditën e sotme në orën 14:30 do të jepet vendimi i Apelit të Gjykatës së Posaçme nëse do të pranohet kërkesa e dhëndrit të Sali Berishës për të ndryshuar masën e sigurisë për ta liruar nga arresti në shtëpi dy ditë pasi iu komunikua akuza për korrupsion për kompleksin Partizani. Para mediave, Jamarbër Malltezi rendi tre fakte, sipas tij.
“Patjetër që do ta bëj publike dosjen me 500 faqe. Së pari është e paimagjinueshme që ligji nuk bëhet pjesë e dosjes që unë akuzohem. Së dyti në akuzë thuhet se destinacionin e tokës e ka ndërruar Berisha, por këtu kemi faktin që e ka ndërruar Rama pa asnjë kërkesë.
Së treti, sa i përket Fatmir Bektashit, ai ka ndërtuar në të gjithë Tiranën, në tokën e vet qenka korruptuar dhe paska pastruar lekët? Kjo është qesharake. Prokurorja uli kokën, i erdhi zor” tha ai.
