Kryeministri Edi Rama, nga Elbasani, ka folur për angazhimet e qeverisë në përmirësimin e sistemit arsimor dhe forcimin e autoritetit të mësuesve.
Ai theksoi se kanë investuar në ndërtimin e institucioneve arsimore si shembuj të ambicies për të krijuar kushte të mira për fëmijët.
Rama gjithashtu nënvizoi përpjekjet për të rritur pagat e mësuesve në 950 euro, duke e konsideruar këtë si një hap të rëndësishëm për të fuqizuar autoritetin e mësuesve dhe për të përmirësuar statusin e tyre profesional.
“Dua ta ritheksoj ca tha ministrja jemi fokusuar ne mënyre të posaçme edhe te fuqizimi i autoritetit te mësuesit. Duke vendosur objektiv rritjen e vazhdueshme te pagave te mësuesit. Sot kemi arritur qe pagën mesatare ta kemi 950 euro.” u shpreh Rama.
Ai përfundoi duke theksuar rëndësinë e mësuesve, mjekëve dhe policëve si tre figura kyçe që kontribuojnë në zhvillimin e shoqërisë shqiptare.
“Shqipëria do të jetë kampione në rajon në të gjitha aspekte duke pasur në vendin tonë njerëz sa më të devotshëm e ndër ta jane tre figura kryesore. Mësuesi, mjeku, polici.”, u shpreh kryeministri i vendit.
