Departamenti Amerikan i Shtetit hodhi poshtë akuzat për përfshirje të CIA-s në një komplot të dyshuar për vrasjen e Nicolas Maduro-s.
Kjo pasi zyrtarët venezuelas njoftuan arrestimin e tre amerikanëve, dy spanjollëve dhe një çeku, të shtunën.
Departamenti amerikan i Shtetit të shtunën vonë konfirmoi ndalimin e një anëtari ushtarak amerikan dhe tha se ishte në dijeni të “raporteve të pakonfirmuara të dy shtetasve të tjerë amerikanë të arrestuar në Venezuelë”.
“Çdo pretendim për përfshirjen e SHBA në një komplot për të përmbysur Maduro është kategorikisht i rremë. Shtetet e Bashkuara vazhdojnë të mbështesin një zgjidhje demokratike të krizës politike në Venezuelë”.
