Në fshatin Vrakë të Malësisë së Madhe, sherri që ka ndodhur në hyrje të një lokali ka degjeneruar në përdorimin e armës së zjarrit, duke plagosur dy persona.
Ngjarja ndodhi në mëngjesin e kësaj të diele, ndërsa autoritetet e policisë kanë nisur një operacion për kapjen e autorit, i identifikuar si Lul Rakaj, i cili është në arrati.
Dy të plagosurit, të cilët janë transportuar në spitalin rajonal të Shkodrës, ndodhen nën kujdesin e mjekëve dhe janë jashtë rrezikut për jetën.
Policia është duke hetuar për zbardhjen e plotë të motiveve dhe rrethanave të këtij incidenti të dhunshëm.
