Adm. Rob Bauer, kreu i Komitetit Ushtarak të NATO-s, deklaroi se Ukraina ka arsye legjitime ushtarake për të sulmuar thellë brenda Rusisë, nëse përdor armë perëndimore me rreze të gjatë veprimi.
Sipas tij, kjo është një çështje politike dhe jo ushtarake, dhe është e drejtë sipas ligjit ndërkombëtar për vetëmbrojtje.
“Në bazë të Kartës të OKB-së dhe në bazë të ligjit për konflikt të armatosur, nëse sulmoheni nga një shtet, ju keni të drejtë ta mbroni veten”, tha Bauer.
Ndërkohë, ai theksoi se NATO-ja mbështet Ukrainën dhe vazhdon të ofrojë ndihmë në përballimin e kërcënimeve nga Rusia.
