Sali Berisha i është përgjigjur Edi Ramës, duke thënë se në zgjedhje të lira, Rama do të marrë po atë që mori Spiro Koleka në vitin 1992.
Në një tubim në ‘Rrugën e Shpresës’, Berisha akuzoi Ramën për manipulimin e procesit zgjedhor dhe përdorimin e teknikave të padrejta për të mbajtur pushtetin, duke e konsideruar këtë si një kërcënim për të ardhmen e Shqipërisë.
“Ndaj dhe të ngrihemi në këtë betejë, të shembim këtë narkoshtet që mbahet vetëm e vetëm se përçmon shqiptarët.
Mbahet si argat i Vuçiçit në Tiranë.
Mbahet si armik i shqiptarëve dhe kombit shqiptar.
Mbahet me flamurin e kozmopolitanit, me flamurin e internacionalizimit të babait të tij shpirtëror, Enver Hoxha dhe të babait të tij shpirtëror aktual, Xhorxh Soros.
Koha ka ardhur, së bashku të gjithë në këmbë në betejën pa kthim për qeveri teknike, zgjedhje të lira dhe të ndershme, ndryshim të pushtetit, fitore të opozitës.
Dhe njëherë, i them në emër tuaj Edi Ramës, në zgjedhje të lira do marrësh ato që mori Spiro Koleka në vitin 1992.
Ato që mori Xhelat Rama në vitin 1992.
Prandaj dhe ti bën gjithçka për të mbijetuar.
Prandaj dhe ti largon shqiptarët se e di se vota e tyre nuk mund të jetë kurrë për ty.
Prandaj dhe ti përdor anëtarët e organizatës kriminale të Skapit tënd për të mbyllur dosjet elektorale.
Për të amnistuar krimin elektoral.
Për të vrarë procesin zgjedhor, këta kriminelë në zyrat e tyre.
Sepse zgjedhjet e lira janë fundi yt i tmerrshëm.
Fundi yt i tmerrshëm dhe jo vetëm i yti, por i të gjithë sojit tënd, sorollopit tënd, skapistë e çfarë janë.
Ndaj, duke u falënderuar edhe njëherë me mirënjohje të pakufishme, ju ftoj të vazhdojmë këtë betejë gjer në fitoren tonë.
Fitoren e opozitës, fitoren e Shqipërisë.
Rrofshi ju, rroftë Shqipëria!“, tha Berisha.
