Champions League rikthehet me gola dhe spektakël. Bayerni shënoi nëntë gola në portën e Dinamos së Zagrebit. Fitore arriti edhe Reali 3-1 përballë Shtutgardit. Po aq edhe Juventus me PSV.
Liverpool mposhti Milanin me rezultatin 3-1 në transfertë. Ndeshje e dominuar totalisht dhe e fituar me meritë nga anglezët, që gjithsesi e nisën shumë keq.
Kuqezinjtë kaluan të parët në avantazh me anë të Pulisic në minutën e 3-të. Megjithatë Liverpool nuk u dorëzua dhe ia doli të barazojë me Konate në minutën e 23-të.
Në minutën e 41-të, ishte një tjetër mbrojtës që përmbysi rezultatin. Van Dijk shënoi me kokë, pas një goditje nga këndi, për t’i dhënë avantazhin Livepoolit.
Pjesa e dytë, nisi sërish me skuadrën e Slot në sulm. Szoboszlai vulosi takimin në minutën e 67-të, duke shënuar të tretin për Liverpool.
