Presidenti Bajram Begaj ka shprehur hidhërim për ndarjen nga jeta të ish-deputetit demokrat Gerti Bogdani, i cili vdiq sot pas një arresti kardiak.
Në një postim, ai theksoi se Bogdani promovoi vlerat më të mira në jetën publike dhe angazhohej për përfshirjen e të rinjve në vendimmarrje dhe integrimin e vendit në Bashkimin Evropian.
“Hidhërim për ikjen e beftë nga jeta të Gerti Bogdanit.
Ngushëllime familjes së tij, bashkëshortes, të afërme, miqve dhe kolegëve!
Gerti Bogdani, i angazhuar që në rininë e tij në jetën publike të vendit, promovoi vlerat më të mira në qeverisjen lokale, jetën parlamentare dhe atë politike, duke i shërbyer vendit, kauzës së të rinjve për përfshirjen e tyre në vendimmarrje dhe integrimit në BE.”, shkruan Begaj.
