Gazetarja Snezhana Çongradin ka deklaruar se “Kosova është shtet i pavarur” dhe se ky fakt duhet të jetë lëndë mësimore në shkollat fillore.
Në një artikull të botuar në “Danas”, ajo kritikoi presidentin serb Aleksandar Vuçiq, duke thënë se “ai gënjen popullin e tij” dhe e quajti “frikacak” për mungesën e guximit të tij për të pranuar realitetin. “I besojnë njeriut që është një gënjeshtar i provuar,” theksoi ajo.
Çongradin kërkoi që “të ndaloni së helmuari fëmijët” me propagandë dhe të përballen me historinë e krimeve të luftës. “Kosova është shtet i pavarur. Këtë duhet ta thotë dikush me ndikim,” theksoi ajo, duke nënvizuar nevojën për një edukim më të saktë dhe objektiv që të kontribuojë në një shoqëri më paqësore.
