Atalanta, kampionia në fuqi e Ligës së Europës, përballet me Arsenalin në startin e Ligës së Kampioneve në stadiumin “Gewiss”. Kapiteni shqiptar, Berat Gjimshiti, do të udhëheqë ekipin e tij përballë një kundërshtari të fortë.
Trajneri Xhan Piero Gasperini shprehu krenari për vazhdimësinë e ekipit në kompeticionet evropiane dhe theksoi se Arsenali është një skuadër e organizuar dhe e fortë.
“I vlerësoj shumë ‘Topçinjtë’, janë kompaktë dhe të organizuar dhe rezultatet flasin për ta. Nuk ka favorit, do të flasë fusha, por nuk duhet të mendojmë se jemi në të njëjtin nivel me këto skuadra. Unë nuk e njoh personalisht Artetën. Si trajner e vlerësoj shumë, sepse Arsenali është një skuadër e bukur për t’u parë. Ne patjetër duhet të fitojmë pikë kundër të gjithëve”, u shpreh Gasperini.
