Apeli i GJKKO ka lënë në fuqi masën e sekuestrimit të pasurive të Arben Lamçes, Arjon Ormenaj, Klajdi Merkaj dhe Manjola Hysenajt.
Prokuroria e Posaçme kërkoi arrestimin e 33 personave në grupin Çopja, por u arrestuan vetëm 11 persona. Grupi Çopja ku bëjnë pjesë Hajdar dhe Franc Çopja akuzohen për një sërë atentatesh dhe vrasjesh.
Franc Çopja u arrestua për llogari të Belgjikës ndërsa Hajdar Çopja vijon të jetë në kërkim, ku ka të dhëna se ndodhet në Dubai.
Një pjesë e pasurive të organizatës kriminale të drejtuar nga Çopjajt, rezultonin në emër të Arben Lamçes, i arrestuar në Kosovë dhe i ekstraduar së fundmi në Shqipëri. Ai akuzohet për sigurim kushtesh për vrasjen e Nuredin Dumanit dhe pastrim parash.
