Po zhvillohen homazhet në nder të Gerti Bogdanit, i cili ndërroi jetë për shkak të një arresti kardiak.
Ish deputeti i Partisë Demokratike Luçiano Boçi në një deklaratë për mediat u shpreh se po i jepet lamtumira e fundit politikanit shembullit dhe shokut personal Bogut.
“Gerti ishte dëshmi se si duhet të jetë një politikan, shembull se si duhet të jetë një familjar, shembulli se si duhet një njeri të ndërtojë karrierën e tij, angazhimin publik, komunikimin politik. Dhimbja jonë është shumë e madhe, trishtimi dhe hidhërimi i familjes sonë politike, është po kaq i madh sa i dhe i familjes së tij. Gerti vërtet sot udhëton drejt parajsës, por me atë dhimbjen e madhe që ai dinte dhe kishte ndërtuar parajsën e tij të vogël në familjen e tij dhe shoqërinë e tij, pse jo dhe në atë pjesën e imponimit që sillte në Kuvend, një zë i fortë, me zërin e tij si njeri shembull i të rinjve që duhet të ndërtojnë një karrierë të tillë të ndershme e të përkushtuar siç e kishte ai.”, u shpreh Boçi.
