Gjatë një debati në Bruksel, Kryeministri i Kosovës, Albin Kurti, theksoi se është koha për BE-në të ndërmarrë hapa konkretë në rrugën evropiane të Kosovës.
Ai shprehu se “progresi ynë demokratik u dëshmua nga rankimet e matjet e ndryshme ndërkombëtare” dhe se “integrimi evropian mbetet objektiv i yni parësor”.
Kurti nënvizoi se Kosova ka arritur mbi 70% zbatim të Agjendës për Reformat Evropiane, duke theksuar: Në tre vitet e fundit, ne kemi adresuar e zbatuar me sukses reforma të shumta të vonuara prej kohësh.
Ai kërkoi njohjen nga pesë shtete mosnjohëse të BE-së, duke theksuar se “ka ardhur koha që edhe BE-ja të bëjë hapa konkretë dhe marrë vendime të rëndësishme në lidhje me rrugën evropiane të Kosovës”.
