Në fjalën e tij të lamtumirës pas një dekade në krye të NATO-s, Jens Stoltenberg theksoi se vendet anëtare duhet të qëndrojnë të bashkuara dhe të jenë të gatshme “të paguajnë çmimin për paqe” përballë rrezikut nga Rusia.
Ai nënvizoi se shpenzimet për mbrojtje duhet të rriten për të garantuar sigurinë, duke u shprehur se 2% e GDP-së nuk mjafton më. Stoltenberg gjithashtu paralajmëroi për nevojën e një mbështetjeje ushtarake të qëndrueshme për Ukrainën, duke thënë se çdo marrëveshje paqeje duhet të bazohet në forcimin e kapaciteteve ushtarake, jo thjesht në dokumente.
Ai do t’i dorëzojë detyrën Mark Rutte më 1 tetor.
