Një operacion tre-ditor në Britani dhe Irlandën e Veriut ka çuar në arrestimin e 31 trafikantëve që lehtësonin kalimin e emigrantëve me dokumente false.
Agjencitë britanike të ligj-zbatimit dhe NCA bashkëpunuan për të shkatërruar rrjetin që përfshinte kalime përmes porteve dhe aeroporteve. Gjatë operacioneve, janë sekuestruar rreth 400 mijë stërlina dhe 10 dokumenta fallco.
Hetimet tregojnë se shqiptarët bashkëpunonin me grupet kriminale irlandeze për të organizuar fluturime me dokumente të falsifikuara.
Ministrja britanike e Azilit, Dame Angela Eagle, e quajti operacionin një sukses të madh dhe një paralajmërim për trafikantët.
