Pas disa vite hetimesh intensive dhe përgjimesh të vazhdueshme, forcat e Antimafias dhe Guardia di Finanza në Kaljari, Sardenja, kanë goditur një organizatë kriminale italo-shqiptare, duke arrestuar në total 50 persona, përfshirë 10 shqiptarë.
Grupi vepronte në mënyrë të organizuar, duke përdorur rrugë detare dhe kamionë për të transportuar sasi të mëdha droge, si kokainë dhe heroinë, nga Ballkani drejt Italisë.
Hetimet zbuluan lidhje të forta mes strukturave kriminale në Pisa, Livorno dhe Sardenjë, ku figura kryesore shqiptare ishte Soni Muca, ndërmjetësja kryesore e trafikut midis dy vendeve.
Përdorimi i teknologjisë si telefonat e koduar dhe metoda të sofistikuara për fshehjen e drogës dhe parave tregon profesionalizmin e lartë të këtij rrjeti.
