Presidenti turk Rexhep Tajip Erdogan ka bërë një krahasim të fortë midis kryeministrit izraelit Benjamin Netanyahu dhe Adolf Hitlerit gjatë fjalimit të tij në OKB.
Ai i kërkoi Asamblesë të mobilizohet për të ndaluar qeverinë izraelite, duke theksuar se, ashtu siç bota u bashkua kundër nazizmit, tani është e nevojshme të krijohet një aleancë për të ndalur dhunën izraelite. Erdogan e kritikoi politikën e Netanyahu, duke e cilësuar atë si masakra, dhe nënvizoi se problemi është politik, jo fetar.
“Ashtu siç kishte një aleancë për të ndaluar Hitlerin, tani është e nevojshme të krijohet një aleancë për të ndaluar Netanyahun. Masat parandaluese duhet të zbatohen sa më shpejt të jetë e mundur. Izraeli kryen masakra, sepse mbështetet nga një pjesë e vogël e vendeve”, tha Erdogan para Asamblesë së OKB-së.
Ai shprehu mbështetje për protestat globale në favor të Palestinës, duke theksuar se Turqia nuk ka asnjë paragjykim ndaj hebrenjve.
