Synimi i kryeministrit shqiptar Edi Rama për të krijuar në Tiranë një shtet të pavarur mysliman sipas modelit të Vatikanit, i cili do të ketë administratën dhe pasaportat e tij dhe do të “strehojë” Urdhrin Bektashi, të themeluar në Turqi në shekullin e 13-të, ka shkaktuar një sensacion të madh edhe në Greqi.
“Kërkimet historike na sigurojnë se përhapja e bektashizmit në Shqipëri u ndihmua dhe u mbështet nga Ali Pashë Tepelena, i cili mburrej se ishte bektashi. Ali Pasha kishte respekt të veçantë për dervishët, të cilët i priste në sarajet e tij.
Sot ka bektashi në Rumani, Bosnje-Hercegovinë dhe Shqipëri ku: “Islamizimi i pjesës më të madhe të popullsisë së krishterë është për shkak të propagandës së bektashinjve.
Forcimi dhe veprimi i frytshëm i kësaj propagande i atribuohet mbrojtjes së Ali Pashës. Kur në vitin 1925 Turqia ndaloi funksionimin e tarikave (vëllazërive sufiste), qendra administrative e bektashinjve u zhvendos në Tiranë” shkruan Prothotema.
