Ministri gjerman i Ekonomisë, Robert Habeck, theksoi se konflikti midis Kosovës dhe Serbisë nuk duhet të bllokojë përfundimin e marrëveshjes së tregtisë së lirë në Ballkan.
Ai e cilësoi situatën aktuale të CEFTA-s si “të varur në fije të perit” dhe shprehu nevojën për një propozim kompromisi për të avancuar marrëveshjen. Habeck theksoi rëndësinë e stabilitetit të Ballkanit Perëndimor dhe orientimin e tij drejt Evropës për të shmangur ndikimin e vendeve që nuk mbështesin një kontinent paqësor.
Ai kritikoi qeverinë e Kosovës për dështimin në avancimin e marrëveshjeve të normalizimit me Serbinë, duke theksuar nevojën për një qasje më aktive nga Bashkimi Evropian si ndërmjetës.
