Presidenti ukrainas Volodymyr Zelensky ka shprehur optimizëm se lufta me Rusinë mund të përfundojë më shpejt se sa mendohet, duke theksuar se Ukraina duhet të veprojë nga një “pozicion i fortë” për ta detyruar presidentin Putin të ndalë konfliktin.
Gjatë një interviste me ABC News, ai kërkoi mbështetje më të madhe nga aleatët perëndimorë për forcat ukrainase. Zelensky ndodhet në SHBA për Asamblenë e Përgjithshme të OKB-së, ku do të paraqesë një “plan fitoreje” që përfshin donacione armësh dhe përpjekje diplomatike.
Ai u shpreh se nevojiten vendime të shpejta nga SHBA për të lehtësuar situatën në Ukrainë.
