Ambasadori i BE-së në Tiranë, Silvio Gonzato gjatë takimit me drejtuesit e institucioneve të pavarura i tha troç në sy kryetares së Kuvendit, Elisa Spiropali se vendimet e Gjykatës Kushtetuese duhet të zbatohen, referuar mandatit të Olta Xhaçkës.
“Marrëdhëniet ndërinstitucionale duhet të jenë në respekt të plotë të Kushtetutës që kanë të bëjnë me kontrollin dhe balancën. Siç u përmend edhe në raportin e fundit të zbatimit të shtetit të së drejtës, është shumë i rëndësishëm bashkëpunimi midis Parlamentit dhe institucioneve të pavarura.
Në këtë kontekst Parlamenti duhet të raportojë siç duhet në rastet kur është e nevojshme për krerët e institucioneve të pavarura por edhe komisionet e ndryshme, si Komisioneri kundër Diskriminimit, apo Gjykata Kushtetuese Vendimet e Gjykatës Kushtetuese duhet të respektohen siç nxirren nga ato dhe kjo është thelbësore në një shtet demokratik”, tha Gonzato.
