Ish-kryeministri Sali Berisha, që ndodhet nën arrest shtëpiak për “korrupsion pasiv”, ka thirrur në shtëpi pesë deputetë të Partisë Demokratike.
Një grup i deputetëve, përfshirë Gazment Bardhin, Flamur Nokën dhe Edi Palokën, u panë duke dalë nga pallati i Berishës, në një moment tensioni pas dënimit të Ervin Salianjit me 1 vit burgim për kallëzim të rremë.
Sipas Kodit të Procedurës Penale, takimi i Berishës me persona të tjerë është i ndaluar pa lejen e Prokurorisë dhe Gjykatës.
Kjo ka shkaktuar shqetësime, duke pasur parasysh se Berisha ka shkelur të njëjtin urdhër edhe më parë pa pasoja ligjore.
