29 Shtatori përkujtohet në Shqipëri si Dita Kombëtare e Trashëgimisë Kulturore. Në këtë përvjetor, Ambasada e Shteteve të Bashkuara shprehu angazhimin e saj për të vazhduar partneritetin me Shqipërinë në mbrojtjen e kësaj pasurie unike.
Në një videomesazh nga kalaja e Prezës, shefja e Zyrës për Marrëdhëniet me Publikun, McKenzie Louw, theksoi rëndësinë e trashëgimisë kulturore të Shqipërisë dhe mbështetje të vazhdueshme përmes Fondit të Ambasadorëve për Ruajtjen e Trashëgimisë Kulturore (AFCP).
“Ky është një moment i rëndësishëm për të reflektuar mbi historinë dhe traditat e Shqipërisë. Që nga krijimi i tij në 2001, ky fond ka mbështetur mbi 13 projekte me një investim total prej mbi 1.6 milion dollarë. Ne jemi të përkushtuar për të vazhduar partneritetin me Shqipërinë në ruajtjen e trashëgimisë së saj kulturore,” tha ajo.
