Rusia ka dënuar vrasjen e liderit të Hezbollahut, Hassan Nasrallah, duke theksuar se ky akt ka sjellë destabilizim të rëndësishëm në rajon.
Zëdhënësi i Kremlinit, Dmitry Peskov, paralajmëroi se sulmet e fundit izraelite në Liban mund të shkaktojnë një katastrofë humanitare të ngjashme me atë në Gaza.
Nasrallah ishte mes disa zyrtarëve të Hezbollahut që humbën jetën pas intensifikimit të sulmeve izraelite gjatë dy javëve të fundit. Burime mjekësore dhe të sigurisë raportuan se trupi i tij u gjet “i paprekur” në periferinë jugore të Bejrutit, në Dahieh, ku ishin mbledhur anëtarë të lartë të grupit militant.
Ai besohet se ka vdekur si rezultat i një shpërthimi, pa pasur plagë të dukshme. Gjithashtu, Hezbollah konfirmoi vrasjen e zyrtarit të lartë Ali Karaki gjatë sulmit të së premtes.
