Dy aktiviste të grupit protestues “Just Stop Oil”, Phoebe Plummer dhe Anna Holland, janë dënuar me burgim për sulmin ndaj veprës “Sunflower” (Luledielli) të Vincent van Gogh në Galerinë Kombëtare të Londrës.
Gjyqtari Christopher Hehir shpalli dënimin prej dy vjet e tre muaj për Plummer dhe 20 muaj për Holland, duke theksuar se veprimi i tyre ishte i papranueshëm dhe mund të kishte dëmtuar artin e çmuar.
“Supa mund të kishte kaluar përmes xhamit. Nuk kishit të drejtë ta bënit atë që bëtë me ‘Lulediellin’”, ka thënë ai.
Incidenti ndodhi në tetor 2022, kur dy aktivistet hodhën supë me domate në kanavacë dhe ngjitën duar të ngjyrosura në murin pranë veprës. Ky rast nxorri në pah debatet mbi metodat e protestës për çështjet mjedisore dhe ndikimin e tyre në artin dhe kulturën.
Gjyqtari shprehu shqetësimin se veprimet e tilla kërcënojnë jo vetëm veprat artistike, por edhe ndjeshmërinë e publikut ndaj artit.
