Tim Walz, kandidati demokrat për zëvendëspresident të SHBA-së, i ka bërë thirrje komunitetit mysliman për të drejta të barabarta, duke synuar të rikthejë mbështetjen e këtij grupi pas tensioneve të shkaktuara nga politika e administratës Biden ndaj Izraelit.
Ai theksoi: Zëvendëspresidentja Harris dhe unë jemi të përkushtuar që kjo Shtëpi e Bardhë të vazhdojë të dënojë në të gjitha format ndjenjat anti-islame, anti-arabe të udhëhequra nga Donald Trump.
Walz dhe Harris po përpiqen të adresojnë shqetësimet e myslimanëve amerikanë, veçanërisht pas kritikave për mbështetje të qeverisë ndaj Izraelit gjatë konfliktit në Gaza. Ai shprehu keqardhje për situatën në Gaza, duke thënë: Shkalla e vdekjes dhe shkatërrimit në Gaza është tronditëse dhe shkatërruese. Ai premtoi angazhimin për një armëpushim dhe për të drejtat e palestinezëve.
Pavarësisht mbështetjes së Emgage për Harris, disa grupe myslimane janë shprehur skeptike, duke thënë se “demokratët refuzuan kërkesat për një folës palestinez në konventën e partisë.”
Ndërkohë, Trump ka bërë thirrje për rivendosjen e një “ndalim udhëtimi,” duke premtuar një politikë më të ashpër ndaj emigracionit nga vendet me shumicë myslimane.
