Mbrojtësi shqiptar, Marash Kumbulla, ka shënuar golin e tij të parë me Espanyol në ndeshjen e zhvilluar ndaj Mallorcës në RCDE Stadium.
Kumbulla, 24 vjeç, shfrytëzoi një krosim të Jofre, duke shpëtuar nga mbulimi i kundërshtarit dhe duke dërguar topin në rrjetë me një goditje me kokë. Ky ishte goli i tij në ndeshjen e shtatë me klubin spanjoll.
Përveç suksesit të tij me ekipin, Kumbulla është grumbulluar nga trajneri Sylvinho për dy ndeshjet e radhës të kombëtares në Nations League, ndaj Çekisë dhe Gjeorgjisë.
