Sipas një studimi të Universitetit të Oksfordit, Britania e Madhe ka më shumë emigrantë të paligjshëm se çdo vend tjetër në Evropë, me rreth 745,000 migrantë të tillë, që përbën një në 100 banorë të saj. Kjo shifër është më shumë se dyfishi i atyre në Francë, që numëron rreth 300,000, dhe më shumë se 700,000 në Gjermani.
Ky raport vjen pas një rritje të mbërritjeve të emigrantëve në Britani, me 973 individë që kaluan Kanalin Anglez vetëm në një ditë të shtunën e kaluar, numri më i lartë i vitit 2024 deri tani. Pritet që numri i përgjithshëm i kalimeve për këtë vit të arrijë mbi 26,600, një rritje prej 5% krahasuar me vitin 2023.
Ndërkohë, autoritetet franceze konfirmuan se katër persona humbën jetën gjatë përpjekjes për të kaluar Kanalin, përfshirë një djalë dy vjeçar.
