Gjatë marshimit të protestuesve të opozitës nga Kryeministria drejt selisë së Partisë Socialiste, u vërejtën disa persona me maska. Disa prej tyre qëndronin pranë figurave të njohura të opozitës si Edi Paloka, Gazment Bardhi dhe Flamur Noka.
Ende nuk dihet arsyeja e maskimit të këtyre personave dhe roli i tyre në protestë, por duket se ata mund të jenë pjesë e grupit që hedhin mjete piroteknike. Pamjet tregojnë se ata kanë kaluar afër punonjësve të Policisë, duke e rritur shqetësimin për sigurinë gjatë protestës.
Situata mbetet e tensionuar, dhe aktivitetet e protestuesve janë nën vëzhgim të vazhdueshëm.
