Sali Berisha ka reaguar në Facebook, duke akuzuar narko-policinë për terrorizimin e aktivistëve të Partisë Demokratike, veçanërisht të Maringlend Doçit në Kurbin.
Ai e cilëson rrethimin e banesës së Doçit si një hakmarrje nga Edi Rama për angazhimin e tij në protestat e fundit. Berisha dënon këto veprime si banditeske dhe shprehet se forcat e policisë kanë trysnuar edhe nënën e Doçit.
“Banditë me uniformë me urdhër të Edi Ramës rrethojnë në kundershtim me ligjin banesën e veprimtarit të njohur të PD të Kurbinit Maringlend Doçi si hakmarrje primitive për rolin që luajti në protestën e banorëve të Thumanës dhe mosbindjen civile të djeshme. Ata janë sjellë si gangsterë dhe kanë trysnuar edhe nënën e tij.”, shkruan Berisha.
Ai ka njoftuar gjithashtu se Doçi ka regjistruar bisedën me policinë dhe po planifikon të angazhojë një avokat për të trajtuar situatën.
