Bie bojkoti. Deputetët e opozitës sot kanë vendosur që të marrin pjesë në komisionin hetimor parlamentare, të cilin një javë më parë e bojkotuan. Kryetarja e komisionit për Sterilizimin, Albana Vokshi ka hedhur akuza ndaj socialistëve duke thënë se tentuan të nisin mbledhjen pa ta dhe se Garda tentoi t’i bllokonte dhe të mos i lejonte që të futeshin brenda.
Pjesë nga debati:
Plarent Ndreca: Mirë se erdhët se kishit disa ditë që mungonit
Ina Zhupa: Po na përjashtove ti
Albana Vokshi: E kishit bërë skenarin, është injorancë kjo e juaja, mos t’i drejtoheni opozitës që drejton komisionin
Plarent Ndreca: Jeni për luftë për mirë është të qetësoheni, nëse doni të bëni rrugaçin në komision
Voksh: Kujdes me fjalorin, si s’të vjen turp
Ndreca: Boll se le nam, ti kupton shqip apo jo?
Vokshi: Mos provoko se ke kaq ditë
Ndreca: Po ik se me presion s’të njof fare, ti të bësh presion maxhorancës, s’ka shans askush
Vokshi: Nuk flet dot me fjalor rruge
Ndreca: Është shqipe e pastër
Vokshi: Na quani rrugaçe, shko thuaje te PS këtë. Ti nuk flet me këtë fjalor
Ndreca: Zonjë nuk e ke pronë private këtë
Vokshi: Ti nuk e merr më fjalën
Ndreca: Nuk zgjidhet dhunë, o molotovi o kushtetuta
Vokshi: Do ta provosh dhunën ti, pse nuk erdhe dje në protestë ti cubi
Vokshi: Ju kushtetutë keni fjalën e Edi Ramës, nuk keni
