Kryeministri Edi Rama ka arritur në Dubrovik, Kroaci, për të marrë pjesë në samitin “Ukrainë – Europa Juglindore”, ku u prit nga homologu kroat Andrej Plenkoviç dhe presidenti ukrainas Volodymir Zelensky.
Në këtë samit, udhëheqësit e Evropës Juglindore, përfshirë presidentë dhe kryeministra, do të diskutojnë mbi bashkëpunimin e mbrojtjes, rehabilitimin e luftëtarëve të plagosur dhe shërimin e Ukrainës.
Zelensky theksoi në X se qëllimet e diskutimeve përfshijnë forcimin e kooperimit për një të ardhme më të sigurt. Presidenti kroat Zoran Milanovic, megjithatë, nuk është i ftuar për shkak të skepticizmit të tij ndaj mbështetjes për Ukrainën.