Një ditë pasi dha dorëheqjen nga mandati i deputetit Jurgis Çyrbja është paraqitur në SPAK paraditen e kësaj të premteje, i shoqëruar nga avokatja Brunilda Kullolli për komunikimin e akuzës, dyshohet shpërdorim detyre.
Në momentin që doli nga prokuroria nuk pranoi që të fliste për mediat. “Drejtohuni prokurorisë për informacion” tha shkurt dhe u largua.
Paraprakisht u raportua se socialisti u pyet për një kallëzim të Edi Palokës në zgjedhjet e vitit 2021, që e akuzonte për shpërdorim detyre në kohën kur drejtonte Hipotekën e Durrësit, pa e marrë ende mandatin e ligjvënësit. Mandati i deputetit i takon Erjon Mekës.
