Kryegjyshi botëror i Bektashinjve, Edmond Brahimaj, ka theksuar nevojën për të avancuar menjëherë idenë e krijimit të një shteti sovran të Urdhrit Bektashi. Në një intervistë për “The Jerusalem Post”, ai kërkoi që qeveria shqiptare të miratojë ligjin përkatës, duke ndryshuar statusin e Urdhrit, përpara se t’i drejtohen komunitetit ndërkombëtar për njohje.
Baba Mondi, i cili ka promovuar idenë e krijimit të një “Vatikani” bektashian në Tiranë, shprehu gjithashtu solidaritet me popullin izraelit dhe theksoi se feja nuk shkakton konflikte, por egoizmi që përdor fenë për të nxitur luftëra.
Ai theksoi rëndësinë e bashkimit të udhëheqësve fetarë për paqe dhe shprehu dëshirën për të vizituar sërish Izraelin.
